తిరిగి...

దిశాం చలాన్ని కమ్మి వేస్తున్న తపస్సులా..

ఏదో దుఃఖ పరంపర గుండెను తెర్లుతోంది ..

ఈ చిరకాల దుఃఖానికి అంతం ఎప్పుడో..!

ఏ సునేత్రాల నుండి ప్రసరించే సుధా కిరణం ..

ఈ జీవితాన్ని రసస్లావితం చేస్తుంది?

మేధస్సు ఎందుకో దుఃఖ మేఘా రణ్యం లో ..

సుదీర్ఘ తపస్సుకు పూనుకుంది ..!

శరీరాన్ని ..కాలం తో పాటు ఆయువునీ

హరిస్తున్న ఈ సమాధి ఎప్పుడు ముగుస్తుందో తెలీదు ..

ఆయినా....

ఎన్నడో ఒక తరంగం వీస్తుంది ..

గాలి అలలుగా చెలరేగుతుంది ..

తరుణ కెరటాలు లేస్తాయి ..

రసవత్తర దృశ్యంలో ఆగిన కల

తిరిగి రస రమ్యంగా ప్రారంభ మవుతుంది ..!